Maharashtra: 'ہمارے آباؤاجدادانگریزوں سے لڑے تھے، لیکن آپ کے- ووٹ جہادکے بیان پراویسی نےفڑنویس کودیاجواب
اویسی نے دعویٰ کیا کہ ‘دھرم یودھ اور جہاد’ کا تبصرہ انتخابی ضابطہ اخلاق کی خلاف ورزی ہے۔ انہوں نے کہا کہ جمہوریت میں ووٹ، جہاد اور مذہبی جنگ کہاں سے آئی؟ آپ نے ایم ایل اے خرید لیے۔ کیا ہم آپ کو چور کہیں؟ جب فڑنویس ووٹ جہاد کی بات کرتے ہیں، ان کے آباؤ اجداد ، انگریزوں کو محبت کے خطوط لکھ رہے تھے
اسدالدین اویسی نے انتخابی جلسہ سے کیا خطاب
اویسی اتوار کو چھترپتی سمبھاج نگر(اورنگ آباد) کے جنسی علاقے میں مجلس اتحادالمسلمین کے امیدوار امتیاز جلیل (اورنگ آباد ایسٹ) اور ناصر صدیقی (اورنگ آباد سینٹرل) کی حمایت میں ایک ریلی سے خطاب کر رہے تھے۔ اس دوران انہوں نے الزام لگایا کہ وزیر اعظم مودی کا ‘اگر ایک ہے تو محفوظ ہے’ کا نعرہ تنوع کی روح کے خلاف ہے۔
الیکشن کمیشن پر اسدالدین اویسی نے اٹھایا سوال
اویسی نے دعویٰ کیا کہ ‘دھرم یودھ اور جہاد’ کا تبصرہ انتخابی ضابطہ اخلاق کی خلاف ورزی ہے۔ انہوں نے کہا کہ جمہوریت میں ووٹ، جہاد اور مذہبی جنگ کہاں سے آئی؟ آپ نے ایم ایل اے خرید لیے۔ کیا ہم آپ کو چور کہیں؟ جب فڑنویس ووٹ جہاد کی بات کرتے ہیں، ان کے آباؤ اجداد ، انگریزوں کو محبت کے خطوط لکھ رہے تھے، جب کہ ہمارے آباؤ اجداد آزادی پسندوں نے غیر ملکی حکمرانوں سے سمجھوتہ نہیں کیا۔
انہوں نے کہا، ‘ہم نے انگریزوں کے خلاف لڑنے کا راستہ دکھایا۔ جب انہیں (بی جے پی) مالیگاؤں میں ووٹ نہیں ملے (لوک سبھا انتخابات کے دوران) تو انہوں نے (فڑنویس) ووٹ جہاد کی بات کی۔ جب ووٹ نہیں ملتے تو ا نہیں جہاد کہتے ہیں۔ وہ ایودھیا میں ہار گئے۔ یہ کیسے ہوا؟’
